Prej muajsh përflitet se dy dukeshat, Kate dhe Meghan, nuk kanë marrëdhënie të mirë. Megjithatë duket se këto janë vetëm thashetheme, që dukeshat kanë vendosur t’u japin fund njëherë e mirë ditën e sotme. Ato të dyja kanë shkëmbyer një përshëndetje shumë miqësore gjatë mbledhjes së sotme të Komonuelth-it. Kate dhe Meghan janë fotografuar duke u puthur me njëra-tjetrën dhe dukej qartë se gjërat mes tyre po shkojnë më së miri.
Pasi arritën në vendin e takimit, Kate dhe Princi William, përshëndetën Meghan dhe Princin Harry dhe më pas dy dukeshat u puthën. Dy çiftet mbretërorë i shoqëronin edhe Mbretëresha Elizabeth, Princi Charles dhe Camilla. Thashethemet për një “armiqësi” të mundshme mes Middleton dhe Markle u përhapën kur u njoftua se Meghan dhe Harry do të largoheshin nga pallati mbretëror. /revistawho.com
