Elvana Gjata ka publikuar mbrëmjen e djeshme një video ku shfaqet një sekuencë e shkurtër nga performanca e saj në ‘Alba Festival’. Ky koncert i përmasave gjigande u mbajt në Zvicër dhe pjesë ishin të gjithë dashamirësit e muzikës shqiptare. Ndër të ftuarit special ishte edhe Elvana Gjata, e cila u shfaq e veshur me fustanin që ka në klipin e fundit dhe dhuroi emocion në çdo notë. Në videon që ka publikuar vet këngëtarja, performanca e saj është drejt fundit dhe publiku thërret njëzëri duke i kërkuar edhe një këngë më shumë. E emocionuar prej tyre Elvana shkruan: “Edhe njo edhe njo’, do ngelet gjithmonë në zemrën time. Edhe gjithë jetën për ju. Ju dua”.
https://www.instagram.com/p/BzV81NiH0v0/
Dashuria e publikut për këngëtaren e njohur ka qenë gjithmonë e madhe, por së fundmi duket se mbështetja ndaj saj po arrin majat. Elvana ka performuar krah Capital T edhe këngën e fundit që u publikua vetëm 2 ditë më parë me titull ‘Fustani’. /revistawho.com
