Aktori i njohur i humorit, Ermal Mamaqi ka qenë ditën e sotme i ftuar në emisionin ‘Ora e Tiranës’ krah moderatores, Enxhi Nasufi, me të cilën ka shëtitur në disa nga vendet ku ka kaluar fëmijërinë e tij në Tiranë.
Mamaqi tregoi për shtëpinë e prindërve ku është rritur, por dhe miqtë e tij. “Në zonën e ish-Bllokut, kam kaluar fëmijërinë. Prindërit e mi jetojnë ende sot e kësaj dite këtu. Ballkoni ka qenë historikisht me lule, pasi ime më i ujiste lulet edhe kur bie shi”, rrëfeu Ermali. I pyetur për shoqen e fëmijërisë Elvana Gjatën, Mamaqi tha duke qeshur: “Nuk jam rritur me Elvanën, por e kam rritur Elvanën”.
Gjatë intervistës Ermali provokoi përmes një telefonate surprizë këngëtaren Enca Haxhia, e cila është dhe pjesë e projektit të tij më të fundit kinematografik “I love Tropoja”. Ermali i bëri një ftesë Encës për t’u nisur në Greqi, por përgjigjja e saj shkaktoi shumë të qeshura, pasi këngëtarja kuptoi se ai ishte duke bërë shaka.
Ndër të tjera, Ermali tregoi se do të rikthehet sërish me “Xing”, por pa e zbuluar emrin e ekranit ku publiku do të mund ta shohë sërish./revistawho.com
