A$AP Rocky ka nxitur spekulime se ai dhe Rihanna janë në pritje të një vajze, gjatë një interviste të fundit në premierën e filmit “The Smurfs Movie” në Bruksel.
Gjatë një interviste me “Entertainment Tonight”, Rocky u pyet:
“A është vajza për të cilën ke pritur?”
Reperi nuk e mohoi, por u përgjigj me entuziazëm:
“Po është mo burrë, është.”
Ai madje mbajti një lodër të Smurfette-s, një personazh vajzë.
Reagimi i tij u interpretua gjerësisht nga fansat dhe mediat si një zbulim i pavetëdijshëm i gjinisë së fëmijës së tretë të çiftit të famshëm. Çifti tashmë janë prindër të dy djemve, RZA, i lindur në maj 2022, dhe Riot Rose, i lindur në gusht 2023.
Nga ana tjetër, Rihanna ka qenë më e rezervuar në intervista, edhe pse ka konfirmuar se, ashtu si me dy djemtë e parë, emri i foshnjës së ardhshme do të fillojë me shkronjën “R”.
Megjithëse nuk ka ende një deklaratë zyrtare që konfirmon gjininë, fansat janë të bindur se Rocky ndoshta tha më shumë seç duhet. Tani mbetet për t’u parë nëse ky do të jetë fëmija i parë vajzë për super çiftin muzikor.
