Imitimi i Jozefina Topallit nga aktorja Rudina Dembacaj ishte një rol mjaft i goditur. Jo vetëm publiku, por edhe vetë ish-kryetarja e Kuvendit e mirëpriti këtë gjë. Për më tepër Dembacaj dhe Topalii kanë pasur shumë herë rastin të takohen me njëra-tjetrën.
Por duket se ditën e sotme, përveç imitimit, Rudina ja ka “dalë mbanë t’i zërë edhe vendin” që më parë Jozefina Topalli mbante në Kuvend. Aktorja ka publikuar në ‘Instagram’, disa fotografi, në të cilat shihet se është ulur në vendin e Kryetarit të Kuvendit. “Zonja Topalli pa merak, u ula unë te ish vendi jot! Jam e nderuar vërtetë që jam pjesë e kësaj ‘seance’ në Kuvend, ku mund të ngremë zërin për ata, jetimët!”, – ka shkruar aktorja bashkangjitur fotografive. E në fakt dhe ish-kryetarja me siguri duhet të ndihet shumë mirë që Dembacaj është ulur në atë vend për një kauzë të rëndësishme. /revistawho.com
