Prej disa ditësh Vesa Luma dhe partneri i saj, Big Basta janë bërë bashkë me vogëlushin e tyre për të kaluar disa ditë larg zhurmës, duke shijuar kohën e lirë pranë njëri-tjetrit. Së fundmi ka qenë 32-vjeçari ai i cili ka publikuar disa foto nga vendet e ndryshme që familja ka vizituar si kalaja e Krujës apo Durrësi.
Me anë të një fotoje në ‘Instastory’ ku shihet portreti i një familjeje shumë të bukur, Big Basta ka përcjellë një mesazh tepër të rëndësishëm për Lianin dhe gjithë të tjerët.
“Eksperiencë e bukur me familjen time dhe sidomos për mësimin e madh që Lian mori në të kuptuarit e rrënjëve të tij kuq e zi. Ai dhe të gjithë duhet ta kuptojnë dhe ta ndjejnë dashurinë për atdheun si dhe të krenohet edhe në fund të botës me faktin që është shqiptar”, ka shkruar këngëtari në postimin e tij. Mesa duket sot Lian është njohur me një pjesë të historisë së vendit të tij, duke vizituar një qytet antik siç është Kruja.
Kujtojmë se vetëm pak ditë me parë këngëtari Big Basta u kthye nga vendi ku po jeton momentalisht larg familjes së tij, për të shijuar këtë periudhë pranë më të dashurve të tij./revistawho.com
