Gazetarja dhe moderatorja e njohur Ilnisa Agolli ka tërhequr sot vëmendjen e publikut me një postim të veçantë në rrjetet sociale, i cili ka bërë që ndjekësit të ngrenë dyshime për një lidhje të re dashurie.
Në imazhet e publikuara, ajo shfaqet me një buqetë me lule në formë zemre, një dhuratë e cila zakonisht lidhet me gjeste dashurie dhe kujdes nga një person i afërt. Postimi u shoqërua me mbishkrimin:
“Me pusullë apo pa pusullë, dy sy shkëlqejnë.”
Kjo fjali është interpretuar gjerësisht si një dedikim, duke ngritur pyetjen nëse gazetarja ka nisur një kapitull të ri sentimental pas ndarjes së përfolur me partnerin e saj të mëparshëm, Meritonin.
Publiku dhe fansat kanë shpërndarë reagime të shumta, ku një pjesë e tyre i kanë dërguar urime, ndërsa të tjerë kanë kërkuar më shumë sqarime mbi dhuratën dhe personin misterioz pas saj.
Megjithatë, Ilnisa nuk ka dhënë ende asnjë deklaratë zyrtare mbi këtë çështje, duke lënë hapësirë për hamendësime dhe diskutime të shumta në rrjet.
