Kanë kaluar gati 20 vite nga koha kur Jennifer Lopez u shfaq e veshur me një fustan të ‘Versace’, që tërhoqi vëmendjen e të gjithëve. Ky fustan vazhdon ende të përflitet dhe duke qenë se është bërë kaq i famshëm së shpejti pritet të shndërrohet në atlete.
Shtëpia italiane e modës ka bashkëpunuar me “Concepts” për të krijuar një palë atlete të inspiruara nga fustani i Jennifer në nder të 20-vjetorit të tij dhe ditëlindjes së 50-të të artistes së njohur.
https://www.instagram.com/p/Bz89bPkn58f/
Së fundmi në një video në ‘Youtube’ duke u kthyer pas në vite Lopez kujtoi se në atë kohë ishte gati të mos e vishte fustanin e “Versace”. Ajo ka rrëfyer se pak ditë përpara “Grammy” ajo dhe stilisti i saj ishin mes fustanit të markës italiane dhe një tjetri më pak i guximshëm. “Njëri ishte i bardhë dhe tjetri ishte ai i ‘Versace’ me printe të xhunglës. Unë vesha fustanin jeshil, dola jashtë për ta parë dhe Benny Medina më tha: ‘Ky është. Ky është. Mos fol më tepër. Ky është fustani’”, ka rrëfyer Lopez. Për më tepër nga fustani i Jennifer u krijua “Google Images”, sepse në atë kohë ishte në një nga gjërat më të kërkuara në rrjet. /revistawho.com
