Ditën e djeshme Olta Gixhari festoi 33-vjetorin e lindjes dhe duket se këtë vit ka kaluar një ditëlindje mjaft të veçantë. Pak ditë më parë aktorja bukuroshe zbuloi se është në një lidhje dhe sigurisht që ditëlindjen e saj e ka festuar në krahët e partnerit. Gjatë mesnatës ajo festoi në një restorant, ndërsa më vonë ka provuar një nga eksperiencat më të çmendura, që duket se i ka dhuruar shumë adrenalinë. Olta ka treguar se me rastin e ditëlindjes është hedhur me parashutë nga një helikopter dhe se kjo i ka ardhur si surprizë, me siguri nga partneri i saj. Në videon e publikuar duket se Gixhari e ka shijuar shumë këtë aventurë, pavarësisht se ka qenë pak e frikshme. “Surpriza më e papritur, e çmendur, befasuese”, ka shkruar aktorja bashkangjitur videos.
https://www.instagram.com/p/Bzss2zmHQbq/
Më pas në komente ajo ka treguar se nuk do e provonte sërish, sepse nuk e lejon e ëma. Olta Gixhari tashmë duket se po jeton momentet më të bukura të jetës dhe këtë gjë e pranoi vetë kur zbuloi se është në një marrëdhënie. /revistawho.com
