Këngëtarja e dashur për publikun, Xhensila Myrtezaj, ka ndarë sot një nga postimet më emocionale të saj, një dedikim plot dashuri për ditëlindjen e djalit të saj, Amen. Vogëlushi, fryt i martesës së dikurshme me aktorin Bes Kallaku, mbush sot 2 vjeç, dhe për këtë ditë të veçantë, Xhensila ka zgjedhur fjalë që prekin çdo zemër nënëje.
Në një postim në “Instagram”, artistja shkruan një mesazh prekës, ku rrëfen sesi ardhja e djalit e ka ndryshuar rrënjësisht jetën:
“Ti, bebe e bekuar, që solle dritë në jetën time, solle forcë aty ku mendova se s’kishte asnjë, dhe më dhurove çdo ditë copëza parajse që nuk dija të ishin të mundshme. Ti je engjëll që erdhe në botë, me sytë e qeshur që shuan çdo errësirë…”
Në vijim, Xhensila ndan një mesazh që ka prekur ndjekësit, duke e quajtur të birin “shpëtimtarin” e saj:
“Ti më shpëtove, Amen, më shpëtove jetën, my savior, shpëtimtari im. Falë teje, ndjej se mund të pushtojmë botën të tre së bashku.”
Këngëtarja përmbyll urimin e saj me një lutje dhe bekim të ndjerë:
“Krishti qoftë gjithmonë me ty, me duar të shtrira mbi ty, me forcën që të udhëheq dhe të mbron çdo ditë. Gëzuar ditëlindjen, engjëlli im, shpirti im i ndritshëm. Je drita që mbush jetën time.”
Pas ndarjes së bujshme nga Bes Kallaku, duket se artistja e ka gjetur forcën dhe gëzimin më të madh në rolin e saj si nënë – një dashuri që, siç thotë vetë ajo, “është më e fortë se çdo dhimbje”.
