Kledi Kadiu së bashku me familjen e tij, kaloi disa ditë pushimi mjaft të këndshme në një nga ishujt më të bukur të Spanjës, Formentera. Nga fotografitë e publikuara në ‘Instagram’ duket se balerini shqiptar i ka shijuar shumë ditët e qëndrimit pranë bashkëshortes së tij, Charlotte dhe vogëlushes, Lea. Megjithatë ditëve të relaksit duket se u ka ardhur fundi dhe Kledi është rikthyer sërish në shtëpinë e tij në Rimini. Pavarësisht se për të gjithë kthimi nga pushimet nuk është shumë i këndshëm, për Kledin me siguri duhet të jetë ndryshe. Në shtëpi atë e pret pothuajse e njëjta pamje, det, kaltërsi dhe shumë anije. Balerini ka publikuar në ‘InstaStory’ një foto nga një cep i shtëpisë së tij dhe duhet thënë se pamja është vërtet mahnitëse. Megjithatë pas pushimeve Kledin e pret një punë shumë intensive, aq më tepër që këtë vit do të jetë edhe pjesëtar i jurisë në spektaklin ‘Dance With Me’ në televizionin ‘Klan’. /revistawho.com
