Rita Ora ka arritur një sukses të jashtëzakonshëm në mbarë botën me hitet e saj muzikore. Por përveç stilit në të kënduar ajo njihet edhe për stilin e veçantë në të veshur. Madje së fundmi Rita ka krijuar linjën e saj të veshjeve, Roara Republic, të cilat dizajnohen të gjitha prej saj. Në parakalim në tapetin e kuq në evente të ndryshme, shpeshherë ajo është cilësuar edhe si një nga vajzat e veshura më mirë.
Në fotografinë e postuar përpara pak orësh në ‘Instagram’-in e saj, Rita Ora i ka mahnitur të gjithë. Ajo shfaqet pranë vajzave dhe grave më me influencë në mbarë botën në fushën e stilit dhe modës. Krah Ritës është Donatella Versace, Claudia Schiffer, Irina Shayk e disa modele të tjera.
Të gjitha vajzat kanë pozuar për prestigjiozen britanike ‘Vogue’. Përkrah gjithë këtyre ikonave të bukurisë dhe modës, Rita nuk bën dallim madje duket po aq në formë dhe po aq stil sa ato. /revistawho.com
