Në konferencën e fundit të përbashkët me presidentin amerikan Donald Trump, një detaj la të habitur të gjithë të pranishmit: Elon Musk kishte një mavijosje të dukshme në sy.
Ndërsa mbante fjalimin për largimin nga administrata e Trump, vëmendja e mediave u përqendrua pikërisht te ky detaj fizik, që ngjalli kureshtje e spekulime. Por Musk nuk vonoi të tregonte të vërtetën.
Gazetarët e pyetën për syrin e nxirë dhe ai u përgjigj pa hezitim:
“I thashë tim biri hajde, më godit në fytyrë, dhe ai e bëri”, tha Musk me ironi.
Ngjarja u bë edhe më absurde kur vetë presidenti Trump deklaroi se nuk e kishte vënë re mavijosjen, ndonëse ajo ishte krejtësisht e dukshme për të gjithë të tjerët.
Musk, i njohur për sensin e tij të humorit dhe deklaratat e pazakonta, e shpjegoi ngjarjen si një moment loje me djalin e tij pesëvjeçar – ndonëse gjurma në fytyrë nuk ishte fort “lojë” në pamje të parë.
