Capital T dhe Majk pritet të sjellin shumë shpejt një bashkëpunim të ri muzikor, pas atij të fundit me titull ‘Pasha Jetën’, i cili rezultoi tepër i suksesshëm. Fansat e dyshes kanë qenë në pritje për një kohë të gjatë për materialin muzikor që dy artistët do të sjellin, ndërsa pak më parë ata kanë zgjedhur të zbulojnë disa pamje nga xhirimet e videoklipit të tyre më të fundit.
Nga fotot e publikuara duket se Majk dhe Capital T janë veshur të dy në ngjyrë të bardhë dhe duken mjaft të qeshur. Pas këtyre postimeve, fansat e zjarrtë të tyre kanë nisur të komentojnë në llogaritë individuale në ‘Instagram’, duke theksuar se mezi po e presin këtë projekt.
Këngëtarët nuk kanë bërë të ditur një datë konkrete rreth këtij videoklipi, duke i lënë kështu ndjekësit e tyre në pritje./revistawho.com
