Aktorja Jennette Mçurdy, shumë e njohur nga seriali “iCarly”, e ka titulluar librin e saj “Më vjen mirë që nëna ime vdiq”. E ftuar në “Red Table Talk”, 30-vjeçarja tashmë shkrimtare, ka rrëfyer për abuzimin psikologjik që nëna e saj i ka bërë dhe tregoi se marrëdhënia e tyre ishte toksike. Jenn lexoi live në emision një email që e ëma i kishte dërguar kur ajo ishte ende adoleshente.
“Më ke zhgënjyer. Ti ke qenë engjëlli im i vogël, ke qenë e përsosur, por tani nuk je tjetër gjë veçse një grua e përdalë, një k***ë. Po e konsumon veten me një gomar të neveritshëm. I pashë fotot në faqen e internetit të TMZ. Je një gënjeshtare, dyfytyrëshe dhe e ligë”.
E ëma e Jennette i referohej fotove të publikuara nga një site online që tregonte të bijën në momente intime.
Letra vazhdon: “Dukesh e fryrë, kuptohet po ha shumë nga stresi. Ti më neverit. Nuk të kam rritur që të jesh kështu. Çfarë ndodhi me vajzën time të vogël të mirë? Ku shkoi ajo dhe kush është ky përbindësh që e zëvendësoi? Je përbindësh i shëmtuar tani.” Në fund të letrës e ëma shkruante: “Dërgo para për frigorifer të ri. Ai që kemi u prish”.
Jennette Mçurdy tregoi gjithashtu se nëna e detyronte të bënte dush me një nga vëllezërit më të mëdhenj kur ajo ishte vetëm 11 vjeç. Nëna e 30-vjeçares është ndarë nga jeta në vitin 2013, pasi vuante nga kanceri.
