Reperi i njohur nga Drenica, Don Xhoni, ka bërë një postim ironik në rrjetet sociale duke iu sugjeruar ndjekësve të tij që ta votojnë në zgjedhjet e ardhshme, edhe pse ai nuk është kandidat në asnjë garë zgjedhore.
Në një InstaStory, ai shkroi: “Zgjedhjet po afrohen, votoni Don Xhon se tjetër s’bon”, duke e shoqëruar mesazhin me një ikonë kurore. Ky reagim erdhi pak ditë para zgjedhjeve lokale në Kosovë, të cilat pritet të mbahen më 12 tetor, ku qytetarët do të zgjedhin përfaqësuesit politikë të komunave të tyre.
Edhe pse ishte një shaka, postimi tërhoqi menjëherë vëmendjen e ndjekësve dhe nxiti diskutime në rrjetet sociale.
Së fundmi, reperi është përfolur për një lidhje me Loredana Bratin, por asnjëri prej tyre nuk e ka konfirmuar këtë. Shumë fansa shpresojnë se mbase do ta shohin Lorin në ndonjë nga projektet e ardhshme të Don Xhonit.
