Tragjedia në Paris ka shkaktuar menjëherë reagime të shumta ku nuk kanë munguar edhe të personazheve shqiptar. Gazetarja Sonila Meço përmes një statusi të saj në Facebook është shprehur e shokuar rreth ngjarjeve të përgjakshme në kryeqytetin francez.
“Të arrish me kaq urrejtje në kryeqytetin e Europës, aty ku dashuria ka prodhuar mitin e vet, ta mbulosh me gjak çfare me art është krijuar, të vrasesh me lehtësi në qytetin ku ëndërron të jetosh….! Kjo të bën të kesh frike nga jeta më shumë se nga vdekja…
Mu kujtua kjo poezi që mesoja ne kursin e frengjishtes…dhe shokohem:
Ah! La charmante chose…
quitter un pays morose
pour Paris, Paris joli
Qu’un jour dut créer l’Amour…”-shkruan Meço.
Edhe aktori I humorit Julian Deda ka shprehur hidhërimin e tij për ngjarjet e fundit duke kujtuar vetëm datën e sotme. “13 Nentori, e Premte e zeze per Parisin.
Zoti i ndihmofte,”-përfundon Deda.
Kantautori Elton Deda përmes postimit të tij shpreh zemërimin për këtë “botë të mbrapshtë”siç e quan ai: “Nuk të bëhet muzikë sonte….Kryqëzatat moderne janë shumë afër. Botë e mbrapshë. Pafajësi në dhëmbët e dogmave,”-shkruan Elton Deda.
Artistë të tjerë shqiptarë kanë shprehur solidaritetin e tyre për këtë ngjarje të tmerrshme përmes fotove të ndryshme apo hashtgut “Lutu për Francën”. Emra të tillë janë Flori Mumajesi, Bledi Strakosha, Aurela Hoxha, Albana Osmani, Alberie Hadërgjonaj, Dafina Zeqiri, Ertila Koka, Agnesa Vuthaj etj.
