Mediat e huaja vazhdojnë komentet për Era Istrefin

Mediat e huaja vazhdojnë ta cilësojnë këngëtaren shqiptare, Era Istrefi si një yll të muzikës pop. Në një artikull për Erën ‘Breatheheavy.com’ është shprehur se zëri i këngëtares shqiptare ngatërrohet me atë të Rihannës. “Në këto ditë teksa presim albumin e Rihannës ‘Anti’ një klip po qarkullon në ‘Twitter’. Njerëzit menduan se ishte bashkëpunimi i Rihannës me Major Lazer, që aq shumë kishin ëndërruar. Por në fakt kjo këngë ishte ‘BonBon’ e Era Istrefit, që ka 9 milionë klikime dhe vazhdon të rritet sepse po pëlqehet në gjithë Europën”-shkruan faqja. Ajo e vazhdon artikullin duke nxjerrë në pah karakteristikat tejet të veçanta të këngëtares, duke e cilësuar atë si një yll të vërtet.