Në vitet 90 ata emigruan në Itali, në kërkim të një ardhme më të mirë. Sot si pasojë e një bumi ekonomik të vendit të tyre të origjinës janë kthyer duke hapur bare dhe ‘call center’. e nis shkrimit njw nga portalet më të klikuara italiane donnamoderna.com. Kjo është historia e Ardjanit, i cili ka punuar kamarier për 15 vite, por që tani kamarierët i punëson vetë. Erjana ka blerë 2 lokale duke u zhvendosur nga Torino në Tiranë dhe konfirmon se ka fituar plot para. Fationi bën supervizorin në një ‘call center’ dhe ja kalon shumë mirë, por i mungojnë miqtë e tij që ka përtej Adriatikut.
Spas portalit italian, Tirana ka ndryshuar. Kriza në Itali, ka detyruar shumë emigrantë të rikthehen në vendin e tyre. Sipas të dhënave të INSTAT në 15 vitet e fundit 40.000 shqiptarë janë kthyer në shtëpi, me një kulm rritjesh që prej vitit 2013. Sipas Antonio Ricci, kërkues në Qendrën Isos (e cila analizon flukset midis Italisë dhe Ballkanit), asgjë nuk është e rastësishme. Kjo është e lidhur me vendimin e Bashkimit Europian për kandidaturën e vendit tonë si dhe investimet në infrastrukturë dhe teknologji.
Në shkrim theksohet gjithashtu se tashmë Sipërmarrësit investojnë në vendlindje. “Një pjesë e konsiderueshme e bareve, restoranteve dhe ‘fast food- eve’, tashmë menaxhohen nga emgrantët që janë rikthyer”, tregon Erjona, një vajzë 39 vjeçare, ku 11 prej viteve të saj i ka kaluar në Piemonte duke punuar si kasiere dhe më pas menaxhere në një ‘Pub’. “Eksperienca në Itali ka qenë thelbësore, por e kam menduar gjithmonë që një ditë do të rikthehesha”, ka thënë ajo.
Burimi: Donna Moderna
