Irina Shayk dhe Bradley Cooper i dhanë fund lidhjes së tyre 4-vjeçare vetëm pak javë më parë. Shkaqet e ndarjes po zbardhen pak nga pak dhe duket se Lady Gaga është ajo që ka ndikuar në çekuilibrimin e marrëdhënies së çiftit. “The Sun Online”ka zbuluar se 33-vjeçarja u largua nga shtëpia pas performancës shumë të ndjerë të Cooper dhe Gaga në ndarjen e çmimeve “Oscar”.
Irina nuk ka qenë aspak e kënaqur me këtë performancë dhe madje problemet mes saj dhe Bradley kanë nisur që nga koha e xhirimeve të “A star is born”. “Lidhja e Bradley dhe Irina filloi të kishte probleme kur ai nisi xhirimet për filmin dhe Shayk e ka akuzuar disa herë se ai e tradhtonte me Lady Gaga-n. Që nga ajo kohë Irina nuk e ka besuar më Bradley-n”, ka thënë një burim për “Radar”. Për më tepër burime të tjera kanë rrëfyer se Irina dhe Bradley kanë debatuar shpeshherë me njëri-tjetrin për këngëtaren. Thuhet se Irina nuk ndjehej mirë për lidhjen e tyre të ngushtë dhe nuk i pëlqente që partneri i saj kalonte aq shumë kohë me Lady Gaga-n. Ndërkohë edhe vetë artistja në muajin shkurt i dha fund fejesës me Christian Carino pas dy vitesh lidhje dhe kjo shton akoma më shumë dyshimet për një lidhje të re dashurie mes saj dhe Bradley Cooper. /revistawho.com
