Gazeta kineze Global Times në një editorial të saj e ka përshkruar Donald Trump si fëmijë injorant i politikës së jashtme. “Politika e Kinës nuk mund të shitet ose të blihet, Trump mesa duket kupton vetëm nga biznesi dhe beson se çdo gjë ka një çmim, edhe nëqoftëse është shumë i lartë, ai mund ta blejë dhe shesë me forcë.” -shkruhet në editorial. Telefonata e Donald Trump me Presidenten e Taivanit përveçse theu politikën e Shteteve të Bashkuara të Amerikës të vendosur në 1979 –ën, kur marrëdhëniet formale mes palëve u ndërprenë, shkaktoi dhe debate dhe reagime të furishme  në Kinë. Ministri i Jashtëm tha se Kina është seriozisht e shqetësuar, pasi veprimit të Trump çka vë në pikëpyetje bashkëpunimin dypalësh mes dy vendeve. Ai ka akuzuar Kinën për manipulimin e vlerës së monedhës së saj në mënyrë që të japi avantazhe produkteve të çmimeve në tregun amerikan.