Loredana ka qenë kryefjala e mediave zvicerane dhe shqiptare për ditë me radhë. Ishte media “20 minuten” e cila zbuloi dëshminë e një çifti që tregonin se reperja shqiptare u kishte marrë 700 mijë franga përmes mashtrimit dhe kërcënimit. Këtij skandali ju shtuan dhe emra të tjerë nga familja e Loredanës, si dhe Mozzik me Getinjo-n. Gjykata dhe prokuroria nuk i kanë vërtetuar ende faktet, ndërsa Loredana në një konferencë për shtyp hodhi poshtë pretendimet e çiftit zviceran për vjedhjen e parave. Ndërkohë përveç kësaj mediat zvicerane kanë zbuluar dhe një pjesë tjetër nga e shkuara e Loredanës. Sipas tyre reperja më parë ka pasur një histori dashurie me reperin gjerman, Shindy.
Pavarësisht se kanë qenë të lidhur ata të dy e kanë mbajtur asokohe shumë të fshehtë marrëdhënien me njëri-tjetrin dhe askush nuk ka ditur gjë për raportin mes tyre. Megjithatë kjo mbetet e gjitha në të shkuarën e reperes shqiptare, sepse sot ajo ka krijuar një familje me Mozzik. Reperi shqiptar dhe Loredana në dhjetor të 2018-tës u bënë prindër për herë të parë me një vajzë të quajtur Hana. /revistawho.com
