Ajo është padyshim një nga femrat më të bukura dhe më seksi në botë, por Megan Fox ka vendosur t’i lërë pas ditët e saj kur luante role si një vajzë e hedhur, pasi në një intervistë të dhënë së fundmi ajo është shprehur se nuk do të luajë më skena seksuale. 29-vjeçarja, e cila është në pritje të fëmijës së saj të tretë, ka rrëfyer për “The Sun” se ajo nuk dëshiron që fëmijët e saj ta shohin atë teksa luan skena seksuale. Megan Fox dhe ish-bashkëshorti i saj, Brian Austin Green, janë ribashkuar pas një ndarje të shkurtër dhe janë në pritje të fëmijës së tyre të tretë. Aktorja bukuroshe ka luajtur disa role ku përfshihej në skena seksuale, po ajo ua ka bërë të qartë regjisorëve se ato ditë tashmë kanë marrë fund.
