Aktorja amerikane Megan Fox ka rikthyer sërish vëmendjen e rrjeteve sociale pasi publikoi një seri fotografish provokuese në Instagram. Ky rikthim vjen pas një mungese të gjatë prej gati një viti, periudhë gjatë së cilës aktorja kishte fshirë plotësisht profilin e saj, duke u larguar nga rrjetet sociale dhe nga vëmendja publike.
Në fotot e reja, Fox shfaqet në një fotosesion sensual në studio, e shtrirë në dysheme dhe duke pozuar në mënyrë provokuese, dhe duke krijuar menjëherë reagime të shumta nga ndjekësit. Krahas imazheve, aktorja ka shkruar një fjali enigmatike: “Dashuria ishte përbindëshi më i egër.” Një deklaratë që shumë media dhe fansa e kanë interpretuar si një referencë ndaj marrëdhënies së saj të komplikuar me reperin Machine Gun Kelly.
Reagimi i këtij të fundit nuk mungoi. Ai komentoi në postim duke shkruar: “I lumtur që kemi një fëmijë”, duke iu referuar vajzës së tyre Saga Blade, e cila erdhi në jetë në mars të vitit 2025. Edhe pse Fox dhe Machine Gun Kelly i dhanë fund lidhjes së tyre në vitin 2024, dyshja vazhdon të mbajë një marrëdhënie bashkëprindërore për vajzën e tyre, ndërsa aktorja është gjithashtu nënë e tre djemve nga martesa e mëparshme me aktorin Brian Austin Green.
