Megan Fox, 38 vjeç dhe i fejuari i saj, Machine Gun Kelly, janë gati të nisin së bashku rrugëtimin e prindërimit. Të hënën, Megan hyri në Instagram dhe ndau lajmin e mirë të shtatzënisë së saj. Ajo ndau një foto në të cilën mund të shihej me barkun e rrumbullakosur ndërsa ishte e mbuluar me bojë të zezë, duke etiketuar Kelly-n në foto.
“Asgjë nuk humbet kurrë. Mirë se u riktheve,” shkroi ajo krah postimit, duke iu referuar humbjes së fëmijës së saj dhe Kelly-t në të kaluarën.
Megan postoi gjithashtu një foto të testit pozitiv të shtatzënisë. Ky do të jetë fëmija i katërt i aktores.
Megan Fox tashmë është nënë e djemve Noah, 12, Bodhi, 10 dhe Journey, 8, me ish-burrin Brian Austin Green, ndërsa Kelly është baba i vajzës Casie, 15 vjeç.
