Meghan dhe Harry ju vendosin rregulla fqinjëve? Pallati mbretëror zbulon të vërtetën

Pak ditë më parë “The Sun” raportoi se Meghan Markle dhe Princ Harry i kishin vendosur disa rregulla shumë strikte fqinjëve të tyre në fshatin ku jetojnë. Thuhej se banorët ishin mbledhur në një takim ku ishin prezantuar me një listë të gjatë rregullash si: nuk duhej t’i flisnin Meghan dhe Harryt, nuk duhej të preknin qenin e tyre, apo të ofronin ndihmë për kujdesin ndaj ndaj djalit. Në fakt ky lajm duket se nuk është i vërtetë pasi për këtë gjë ka reaguar vetë pallati mbretëror. “Dukesha dhe Duka nuk e kanë kërkuar këtë gjë, ata as që e dinë dhe nuk kanë lidhje me rregullat që thuhet se janë vendosur prej tyre”, ka thënë një zëdhënës i pallatit mbretëror. Gjithashtu për këtë çështje kanë folur edhe vetë banorët e fshatit, të cilët i kanë mohuar të gjithë zërat. “Është e çuditshme. Ne asnjëherë nuk kemi dëgjuar diçka të tillë. Çdokush që jeton këtu e di se si duhet të sillet me pjesëtarët e familjes mbretërore”, ka thënë një banor për “The Sun”. Kjo nuk është hera e parë që Dukesha Meghan dhe Duka Harry bëhen pjesë e të tilla lajmeve të rreme dhe për këtë arsye ata janë përpjekur që t’i shmangin mediat. /revistawho.com