Meghan dhe Harry mendojnë të largohen në SHBA, mund të nisin jetesën në vendlindjen e dukeshës

Meghan Markle dhe Princ Harry po mendojnë të jetojnë në SHBA dhe udhëtimin e ardhshëm në Kaliforni do e përdorin si një lloj testimi nëse mund të jetojnë në atë vend. Mendohet se duka dhe dukesha do të marrin një shtëpi në fshatin ku ka lindur Meghan dhe aty mund të kalojnë kohën më të madhe të vitit. Ata të dy do e kalojnë Ditën e Falenderimeve me nënën e Markle, Doria Ragland për shkak të një pushimi 6-javor nga detyrat e tyre të mbretërisë. Udhëtimi i radhës i Meghan dhe Harry në SHBA, do të vijë pak ditë pasi ata të dy shprehën hapur dëshirën për t’u larguar nga Mbretëria e Bashkuar. Duka tha se vendi i tyre i preferuar për të jetuar do të ishte Afrika, por duket se tani ata kanë menduar se mundësia më e mirë është Amerika.