Meghan Markle dhe Princ Harry i habitën të gjithë kur vendosën të kishin llogarinë e tyre në ‘Instagram’. Herë pas here janë publikuar lajme të ndryshme se është dukesha ajo që e menaxhon vetë ‘Instagram-in’ dhe se këtë adresë e kanë hapur për të mbështetur organizatat e ndryshme që lidhen me pallatin mbretëror.
Markle dhe Harry nuk kanë një llogari në ‘Twitter’ apo në rrjetet e tjera sociale dhe arsyen e këtij vendimi e ka zbuluar komentatori i mbretërisë, Omid Scobie. Ai ka bërë të ditur se dukesha dhe princi nuk do ta hapin një adresë në ‘Twitter’ dhe kjo për faktin se në rrjet ekzistojnë shumë sulme.
Nuk dihet ende nëse kjo do të jetë zgjedhja përfundimtare e dyshes, megjithatë gjithçka pritet të zbulohet në muajt në vazhdim nga vetë ata./revistawho.com
