Ditën e sotme, Meghan Markle feston ditëlindjen e saj të 38-të dhe urimet nga fansat kanë qenë të pafundme. Urimin e parë publik e ka bërë bashkëshorti i saj në faqen në ‘Instagram’ që menaxhohet pjesërisht nga dy anëtarët e familjes mbretërore. “Gëzuar ditëlindjen, bashkëshortja ime e mrekullueshme. Faleminderit që po më shoqëron në këtë aventurë. Me dashuri, H”,-shkruhet në foton e Dukeshës.
Nga ana tjetër, ‘Harper’s Bazaar’ ka zbuluar se këtë vit, Meghan ka vendosur që të mos bëjë një festë të madhe ditëlindjeje. Ajo e ka ndarë mendjen që të festojë e qetë me familjen e saj, madje thuhet se të ftuar do jenë shumë pak persona për ta bërë rastin sa më privat të jetë e mundur. / revistawho.com
