Meghan Markle ka idetë më të mira, ja çfarë mund t’i dhuroni partnerit për festat e fundvitit

Njësoj si të gjithë ne edhe familja mbretërore mendon se çfarë dhuratash do të bëj për festat e fundvitit dhe revista “Hello” ka zbuluar se me çfarë mundet ta surprizojë Meghan Markle bashkëshortin e saj, Princin Harry. Përpara se të bëhej pjesë e pallatit mbretëror, Meghan kishte një blog për mënyrën e jetesës të quajtur “The Tig” dhe aty ka dhënë disa ide dhuratash për partnerin për festat e fundvitit. Dukesha ka sugjeruar që partnerit të mos i blini diçka të zakonshme, por një dhuratë më kreative. Ajo ka treguar se mund t’i blini një set me çorape shumëngjyrëshe, një paisje për të dëgjuar muzikë, një projektor për shfaqjen e fotografive, një çantë për produktet kozmetike dhe një filxhan të personalizuar. Siç duket Meghan është mjaft praktike kur vjen puna në blerjen e dhuratave dhe me siguri këto ide dhuratash do t’i pëlqenin çdo mashkulli. Krishtlindjet e këtij viti do të jenë shumë të veçanta për Dukën dhe Dukeshën e Sussex, sepse ata festojnë për herë të parë si familje me djalin e tyre, Archie.