Pavarësisht se mentaliteti ka ndryshuar shumë, disa persona ende nuk e kuptojnë se trupat janë të ndryshëm, sidomos ato pas lindjes. Peshën e perfeksionit më tepër e kanë personat e famshëm, duke qenë se janë gjatë gjithë kohës në qendër të vëmendjes. Sipas raportimeve të ‘UsWeekly’, kjo është ajo që Meghan Markle po përpiqet të ndryshojë. Njerëzit duhet të kuptojnë se që të jesh e bukur, nuk do të thotë se duhet të jesh e dobët. Momentalisht dukesha po fokusohet në shëndetin e saj, duke u marrë me aktivitete sportive dhe ‘yoga’ që e ndihmon të jetë në formë të mirë mendore. Ekperiencat e saj ajo i ka ndarë dhe me Princ Harry-n, duke i mësuar atij ‘disa lëvizje’. Meghan nuk do të shihet shumë shpesh në publik, në evente të rëndësishme, megjithatë ajo mori pjesë në premierën e ‘Lion King’ dhe tërhoqi të gjithë vëmendjen e të pranishmëve./revistawho.com
