Përpara se të bëhej dukeshë, Meghan Markle, u bë shumë e njohur me rolin e saj në serialin amerikan, ‘Suits’. Në këtë serial Meghan luante rolin e Rachel Zane dhe duket se do të rikthehet edhe njëherë për t’u bërë pjesë e një episodi.
Dukesha po kërkohet nga vetë drejtuesit e ‘NBC Universal’ për të luajtur diçka shumë të shkurtër. Një burim i prodhimit ka treguar për ‘The Mirror’ se gjithçka mund të realizohet për gjysmë dite ose për një kohë edhe më të shkurtër. Ai ka shtuar se në një të ardhme të afërt mund të hapen negociatat me dukeshën dhe se asaj mund t’i ofrohet një shumë marramendëse parash, sepse do të jetë dhe një marketing shumë i mirë në historinë e televizionit. Meghan Markle u shfaq për herë të fundit në serial në prill të vitit të kaluar. Burimi ka thënë për ‘The Mirror’ se producentët mund ta përdorin edhe shtatzëninë e Meghan, që ajo të shfaqet në serial sikur ka nisur një jetë të re. /revistawho.com
