Podcasti debutues i Meghan Markle për “Spotify” pati premierën e parë sot, më 23 gusht.
Meghan dhe bashkëshorti i saj, Princi Harry, nënshkruan një marrëveshje prej 25 milionë dollarësh në dhjetor të 2020 për të krijuar përmbajtje për platformën përmes kompanisë së prodhimit. Që atëherë ata janë zotuar të marrin një rol aktiv në luftimin e “dezinformatave” të përhapura në “Spotify”, pasi më parë ngritën shqetësime për podcast-in e diskutueshëm të Joe Rogan në janar. Podkasti i parë ishte një intervistë mes dukeshës dhe sportistes Serena Williams.
Kjo e fundit foli për vendimin për të hequr dorë nga tenisi dhe jetën e saj. Në episodin e dytë do të jetë e ftuar Mariah Carey.
