Meghan Markle shtatzënë? Nëna e Dukeshës merr leksione për kujdesin e bebes

Në daljen e fundit publike, Meghan Markle u shfaq me një fustan të gjerë, prej të cilit fshihte barkun e fryrë. Pavarësisht se pallati mbretëror nuk ka dhënë ende një njoftim për këtë gjë, ka disa fakte që shtojnë dyshimet pë shtatzëninë e saj. Së fundmi ‘Daily Star Sunday’ ka mësuar se nëna e Dukeshës, ka filluar të marrë leksione për kujdesin e bebeve, pranë shtëpisë së saj në Los Angeles. Madje pritet që shumë shpejt, nëna e Meghan, të zhvendoset pranë së bijës në Angli. Leksionet që nëna e Meghan po merr përfshijnë mësime për ndihmën e parë dhe mund të jenë shumë të dobishme për fëmijën që mendohet se do të vijë së shpejti në jetë. Burime pranë ‘Daily Star Sunday’ kanë shtuar se Meghan nuk dëshiron të punësojë staf për kujdesin e fëmijës. Zgjidhja më e mirë është që nëna e saj të qëndrojë me të dhe të kujdeset për fëmijën. Megjithatë këto janë thjesht thashetheme dhe ende nuk ka një konfirmim zyrtar nga vetë Dukesha apo familja mbretërore. /revistawho.com