Meghan Markle shkoi në eventin e fondacionit “Women of Vision Award”. Dukesha e Sussex-it ishte në New York të martën mbrëma e shoqëruar nga bashkëshorti i saj, princ Harry dhe nëna e saj, Doria Ragland.
41-vjeçarja ishte një nga personat e nderuar dhe vlerësuar me çmimin “Woman of Vision” për frymëzimin e shumë grave dhe vajzave.
Në këtë ngjarje, Meghan takoi shoqen e saj Gloria Steinem-in, bashkëthemeluese e fondacionit, e cila i dorëzoi asaj çmimin.
Gjatë fjalimit të saj të pranimit, Megan falënderoi Steinem-in pasi ka qenë një frymëzim për të, për këshillat e saj të mençura, për sensin e saj të humorit dhe miqësinë e pabesueshme.
