Moderatorja dhe influencerja e njohur Megi Pojani ka ndarë disa detaje interesante mbi jetën e saj private gjatë një interviste në emisionin “Goca dhe Gra.” E pyetur përse zgjedh të mbajë të fshehtë marrëdhënien e saj sentimentale, Megi sqaroi me humor dhe ironi arsyet pas kësaj vendimi.
“Kur e bën lidhjen publike, ka disa pasoja,” tha ajo. “Shpresoj që të jetë hera e fundit që e sqaroj këtë, por unë nuk jam aq naive sa të bëj publike marrëdhënien time personale.”
Ajo shpjegoi se duke qenë një figurë publike dhe influencuese në rrjetet sociale, ka shumë presion dhe vëmendje mbi çdo aspekt të jetës së saj.
“Unë Megi Pojani, influencere, që reklamoj kremra fytyre, a e dini si mund ta shesh unë një të dashur! Domethënë ai kalon në mijëra filtrat e mi dhe unë e them publikisht, unë vajza e miratoj këtë për ju.”
Ajo e trajtoi këtë temë me një qasje komike, duke lënë të kuptohet se ruajtja e privatësisë është një zgjedhje e qëllimshme për të mbrojtur marrëdhëniet e saj nga presioni publik dhe thashethemet.
“Unë dua të mbaj disa gjëra për veten time, dhe lidhjet janë një nga ato gjëra që nuk duhet t’i ndaj me të gjithë,” përfundoi Megi, duke theksuar rëndësinë e kufijve në jetën personale.
