Mel Gibson në betejë me 50 avokatë

Pas ndarjes nga bashkëshortja e tij, pianistja me origjinë ruse Oksana Grigorieva, Mel Gibson po kalon barriera të forta për të marrë kujdestarinë e vajzës së tij 6-vjeçare, Lucia. Fillimisht ujrat mes ish çiftit kanë qenë të qeta pasi gjykata vendosi që Mel duhet t’i paguante Oksanës rreth 20 mijë dollarë në muaj për shpenzimet e vajzës por tashmë Oksana ka vendosur ta ndryshojë ketë marrëveshje. Ajo ka kërkuar një rritje të pagesës në 100 mijë dollarë në muaj, madje gjatë këtij procesi ka punësuar 50 avokatë vetëm për të marrë çdo gjë që dëshiron nga ish bashkëshorti. Një burim për “TMZ” tregon se aktori Mel Gibson ishte i gatshëm t’i ofronte asaj një shumë marramendëse prej 15 milion dollarësh vetëm që ajo të fshihte regjistimet ku thuhet se aktori ushtron dhunë fizike dhe verbale ndaj familjarëve të tij. Momentalisht Oksana ka arritur në një marrëveshje ku përfiton 30 mijë dollarë në muaj dhe rezidencën e Gibson që kushton rreth 2.4 milionë dollarë.