Këmishë skoceze në ngjyrë rozë, dorashka, pantallona e atlete: Me këtë veshje u shfaq Zonja e Parë Melania Trump, në versionin e “kopshtares”. Gruaja e presidentit të Shteteve të Bashkuara të Amerikës, ka dalë në kopështin e “Shtëpisë së Bardhë” që u krijua nga paraardhësja e saj në post, Michelle Obama. Ajo ka “bërë pis duart” duke mbjellë sallatë e duke mbledhur speca. Ajo u shoqërua nga disa fëmijëve, të cilëve i foli për rëndësinë e të ushqyerit mirë. “Një ushqyerje e shëndetshme dhe një ambient pozitiv janë baza të mirëqenies së fëmijëve. Kopështi i Shtëpisë së Bardhë është një shembull”, tha Melania duke folur për herë të parë në këtë hapësirë, që ishte krenaria e Michelle Obamas për luftën kundër obezitetit gjatë 8 viteve të saj në ëashington. Sipas komentuesve, Melania po përpiqet ta kopjojë, për të fituar simpatinë e masës, sidomos pas kritikave të fundit./ revistawho.com
