Menaxherët e Era Istrefit: Bashkëpunim me transseksualen? Janë shpifje

Ditën e sotme në mediat ‘online’ ka qarkulluar një lajm se këngëtarja kosovare Era Istrefi së shpejti do të ketë një bashkëpunim muzikor me transseksualen Edona James. Disa orë më vonë menaxherët e artistes e cila po bëhet e famshme edhe jashtë vendit, kanë reaguar për agjencinë kosovare të lajmeve “Indeksonline”. Sipas tyre të gjitha fjalët lidhur me duetin, janë sajesë. Ata kanë njoftuar se nuk ka asgjë të vërtetë dhe se të gjitha janë shpifje. Në muajt në vazhdim pritet shpërthimi i Erës në nivel ndërkombëtar dhe se Era më shumë është e përqendruar në këtë drejtim, saktëson “Indeksonline”.