Sot varësia më e madhe nga e cila vuajnë shumica prej nesh nuk ka të bëjë me përdorimin e drogërave të ndryshme apo alkoolit, por nga përdorimi i telefonit. Sot ai është mjeti pa të cilin jeta jonë vështirë të mendohet.
Por telefonat celularë sa të dobishëm, po aq kanë aftësinë që të nxitin sjellje të rrezikshme dhe varësi tek njeriu.
Ankthi social dhe vetmia janë të lidhura ngushtë me përdorimin e telefonit dhe siç vënë re ekspertët, njerëzit shkruajnë shumë, por flasin pak me njëri-tjetrin.
Shenjat paralajmëruese që tregojnë se jeni të varur ndaj telefonit celular:
Ju zë gjumi me vështirësi
Jeni në ankth
Rrjetet sociale ju stresojnë
Nuk rrini dot pa telefon në dorë
Nuk reshtni dot së postuari
Ju shkruani më shumë mesazhe se sa flisni me të tjerët
Lundroni në internet pa mendje vetëm për të humbur kohën
Nuk rrini pa kontrolluar telefonin edhe kur jeni në makinë.
Nuk dilni dot nga shtëpia pa marrë telefonin me vete
Ndiheni të vetmuar nëse nuk keni telefonin me vete
Ushqeheni me telefon në dorë
Marrëdhëniet shoqërore vuajnë si pasojë e telefonit
Bëni veprime impulsive
Nuk heqni dot dorë nga telefoni.
