Valbona Selimllari njihet si ikona e bukurisë shqiptare, që prej kohës kur u shpall ‘Miss Shqipëria’. Kurora e bukurisë e ka ndjekur gjithë jetën pas, ashtu e padukshme. Pas shumë vitesh hijeshia vazhdon ta shoqërojë në çdo dalje publike. Surprizat sot me rastin e ditëlindjes nuk do të mungojnë për Valbonën, madje të parën na e ka zbuluar pak orë më parë. Bëhet fjalë për mikeshën e saj Vera Grabockën, e cila është kthyer në protagonisten e mëngjesit të kësaj dite.
Ajo e ka surprizuar Valbonën me një tufë lule dhe kjo e fundit nuk ka nguruar të ndajë më të gjithë emocionet që ka provuar. “Që në mëngjes troket dera, e ashtu si përgjumësh çohem ta hap dhe përpara meje ishte kjo buqetë e mrekullueshme. Dhe pas saj një engjëll që më ka mbrojtur që ditën që është futur në jetën time. Faleminderit Vera Grabocka për dashurinë dhe kujdesin që më fal çdo ditë të jetës time, ndjehem me shumë fat që je pjesë e saj. Të dua shumë shumë”, -ka shkruar Valbona në foton me lule në dorë./revistawho.com
