Bebe Rexha ka dhënë një intervistë ekskluzive për Billboards, pasi është përzgjedhur për të prezantuar mbrëmjen e MTV EMA.
Këngëtarja me origjinë shqiptare ka hedhur një hap të madh drejt famës, teksa është përzgjedhur për të prezantuar një nga mbrëmjet më të ndjekura muzikore të vitit, përcjell lajmi.net. Bebe ka dhënë një intervistë ekskluzive për revistën Billboard, e derisa ka treguar për rëndësinë dhe emocionet që ka në prezantimin e kësaj mbrëmje, Rexha ka treguar edhe për një çështje të ndjeshme, që e ka rritur atë profesionalisht.
Bebe Rexha ka treguar se ish-i dashuri i saj e ka përfunduar lidhjen mes tyre përmes një mesazhi në telefon dhe kjo gjë e ka lënduar shumë atë. Kjo ka ndikuar edhe te muzika që ajo ka vazhduar të bëjë dhe disa nga këto këngë do të përfshihen edhe në albumin e saj, të cilit ia ka zbuluar vetëm inicialet “A.Y.F”.
