Në një periudhë të caktuar të jetës tonë, të gjithë kemi probleme të theksuara me gjumin dhe kjo për arsye të ndryshme. Mungesa e gjumit mund të ndikojë keq në organizmin tonë, por ne kemi gjetur zgjidhjen e duhur për ju me këto metoda shumë efektive.
1. Gjeni pozicionin e duhur
Pozicioni se si ju flini ndikon shumë në kualitetin e gjumit tuaj. Shkencëtarët thonë se nëse flini me kurriz, atëhere keni gjetur pozicionin e duhur pasi në këtë mënyrë koka, qafa dhe shpina qëndrojnë në një pozicion neutral. Nuk është shumë i pëlqyer, por është i duhuri.
2. Hiqni dorë nga dyshekët e vjetër
Dysheku i vjetër dhe jo i rehatshëm sigurisht ndikon në pagjumësinë tuaj dhe në probleme të tjera që lidhen me gjumin. Nëse është më i vjetër se 7 vjet, atëherë ka ardhur koha për ndryshim pasi ai nuk mund ta përballojë më peshën e trupit tuaj.
3. Provoni të mbani një ditar
Nëse keni shumë mendime gjatë natës, mund t’ju krijojnë ankth dhe pagjumësi. 15 minuta përpara gjumit, mund të shkruani në një bllok çdo gjë të bukur që mund t’ju ketë ndodhur gjatë ditës, duke u fokusuar kështu vetëm në gjërat pozitive.
4. Eleminoni gjumin gjatë ditës
Disa mendojnë që gjumi gjatë ditës mund të zëvëndësojë atë të një mbrëmje pa gjumë, por në fakt nuk është aspak kështu. Ato ndikojnë në gjumin gjatë mbrëmjes dhe sipas shkencëtarëve, personat që duan të bëjnë një gjumë të mirë gjatë mbrëmjes, pa ndërpreje, duhet të eleminojnë gjumin gjatë ditës.
5. Mbani larg orën
Nëse e keni mendjen gjatë gjithë kohës për të parë orën, niveli i ankthit dhe i tensionit do ju shtohet, duke sjellë kështu pagjumësi. Vendoseni orën në një vend që nuk mund ta shihni dhe krijoni një ambjent sa më relaksues në dhomën tuaj.
6. Provoni Yoga apo ushtrime frymëmarrjeje
Yoga apo ushtrimet e frymëmarrjes ju ndihmojnë shumë me gjumin dhe qetësojnë sistemin tuaj nervor.
7. Hani ushqime të shëndetshme që ju ndihmojnë të luftoni pagjumësinë
Problemet me gjumin vijnë për shkak të mungesës së magnezit në trupin tuaj. Provoni të hani ushqime qe e përmbajnë atë si spinaqi, bajamet, avokado. Kivi gjithashtu mund t’ju ndihmojë të keni një gjumë sa më të rehatshëm.
8. Përdorni një teknikë “imagjinare”
Kjo teknikë ka të bëjë me gjërat që ju qetësojnë ose ju bëjnë të ndiheni mirë. Duke i imagjinuar ato, e mbani trurin e zënë duke menduar vetëm gjëra të bukura.
9. Mundohu të qëndrosh zgjuar dhe jo të flesh
Kjo mund të duket e çuditshme, por duke u përpjekur të qëndroni zgjuar ju ndihmon të flini më shpejtë. Duke u fokusuar tek qëndrimi zgjuar nuk do ndiheni në ankth apo në tension për të fjetur sa më shpejtë. /revistawho.com
