Merr fund gjithçka, Miley Cyrus dhe Liam Hemsworth ndahen 8 muaj pas martesës

Miley Cyrus dhe Liam Hemsworth i kanë dhënë fund martesës së tyre, 8 muaj pas kurorëzimit të dashurisë. Përfaqësues të dyshes së njohur kanë zbuluar lajmin për ‘E! Online’, duke treguar se dy ish-partnerët kanë rënë dakord mes tyre për ndarjen. “Miley dhe Liam kanë rënë dakord të ndahen këtë herë. Ata kanë vendosur të dy që më e mira është që të fokusohen tek vetja dhe karriera e tyre. Miley dhe Liam vazhdojnë ende të jenë prindër të dedikuar ndaj gjithë kafshëve të tyre që kanë bashkë”, kanë thënë përfaqësuesit e dyshes. Ata kanë kërkuar që gjatë kësaj kohe njerëzit t’i lënë të qetë dhe të respektojnë procesin e ndarjes mes tyre. Cyrus dhe Hemsworth celebruan dashurinë e tyre me martesë në 23 dhjetor të vitit të kaluar, pas një historie dashurie më shumë se 10-vjeçare. Gjatë këtyre muajve mes tyre gjithçka shkoi më së miri, por siç duket diçka me rëndësi i ka çuar menjëherë drejt divorcit. /revistawho.com