“Big Brother VIP Albania” është gati të rikthehet për edicionin e katërt. Pas kuriozitetit të madh për banorët, shtëpinë dhe opinionistët, më në fund kemi konfirmimet zyrtare.
Për të katërtin vit radhazi, Arbër Hajdari do të rikthehet si opinionist, duke vijuar rolin që e ka bërë të pazëvendësueshëm. Komentet dhe analizat e tij kanë qenë një shtyllë kyçe e spektaklit, dhe rikthimi i tij është pritur me entuziazëm nga publiku.
Këtë vit, Arbri do të ketë në krah Neda Ballukun, ish-banorja e “Big Brother 4” (2010-2011), e cila do të sjellë përvojën dhe vëzhgimet e saj të mprehta në këtë rol.
Tani nuk na ngelet tjetër vetëm se të presim mbrëmjen e 21 dhjetorit kur edicioni i katërt i BBVIP pritet të nisë.
