Merret vendimi, Katy Perry dhe bashkëpunëtorët e saj do të paguajnë 2.3 milionë dollarë për këngën e kopjuar

Së fundmi Katy Perry është përballur me drejtësinë për shkak të këngës së saj “Dark Horse”, e cila rezulton të jetë e kopjuar nga reperi Flame. ‘Independent’ ka mësuar se juria ka vendosur që këngëtarja, bashkëpunëtorët dhe labeli ku ajo bën pjesë do të paguajnë gati 2.3 milionë dollarë si dëmshpërblim. Këngëtarja u shpall fajtore pasi u vërtetua se kënga e saj është shumë e ngjashme me atë të Flame që mban titullin “Joyful Noise”. Në fakt Perry duhet të paguajë vetëm 550 mijë dollarë, sepse pjesa tjetër do të paguhet nga kompania e “Capitol Records”, me të cilën artistja ka lidhur kontratë. Avokatët e këngëtares nuk e kanë pëlqyer vendimin, pasi ata e cilësojnë këtë gjë si një parodi të gjykatës. Megjithatë të dyja palët bien dakord se Katy Perry ka fituar shuma të mëdha parash nga kënga “Dark Horse”. Ky ngjarje mund të ndikojë negativisht në karrierën e artistes, megjithatë është e sigurtë se ajo do vazhdojë të ketë mbështetjen e fansave të saj, të cilët e kanë ndjekur që nga hapat e parë. /revistawho.com