Këngëtari i njohur kosovar, Ermal Fejzullahu ka qenë ditën e sotme në një lidhje direkte në programin e së dielës “E diell”.
Ai ka zbuluar se momentalisht ndodhet në Brezovicë, pranë fëmijëve dhe bashkëshortes së tij.
Ermali ka treguar se qëndrimi i gjatë me familjen e ka bërë dhe shumë të zotë me punët e shtëpisë, pasi ka arritur t’i sistemojë vetë disa orendi që ishin prishur. Fejzullahu ka shtuar po ashtu se gjatë kësaj kohe e ka lënë pijen dhe është treguar shumë i kujdesshëm e konsumimin e ushqimeve.
I pyetur nga gazetari Ervin Kurti për komentet e fansave rreth projektit “Për një dashuri” që Ermali e solli në bashkëpunim me Butrint Imerin, të cilët kanë shprehur pakënaqësitë e tyre, këngëtari ka treguar se ky reagim ishte i pritshëm pasi versioni origjinal është gjithmonë më i mirë./revistawho.com
