Jennifer Lopez vizitoi Ben Affleck-un në shtëpinë e tij gjatë fundjavës, pasi kaloi pjesën më të madhe të verës të ndarë.
Një burim tregon për PEOPLE se aktorja 55 vjeç, u ndal në shtëpinë me qira të Affleck në Brentwood të dielën, më 11 gusht, ndërsa ai ishte atje. Më herët gjatë ditës, ajo shoqëroi djalin e tij Samuel, 12 vjeç, në qendër tregtare.
Lopez dëshiron të kalojë kohë me fëmijët e Affleck para se të fillojë shkolla, thotë burimi.
“Vetëm sepse ajo nuk është me Benin nuk do të thotë se ajo nuk kujdeset për fëmijët e tij”, thotë burimi.
“Ajo kujdesej gjithmonë për ta. Ajo kaloi muaj duke kërkuar shtëpinë e përsosur për familjen e tyre të përzier vitin e kaluar. Tani kur është kthyer në L.A. ajo dëshiron të kalojë kohë cilësore me ta para se të rifillojë shkolla dhe Violet të shkojë në kolegj.”
Një burim i tha më parë PEOPLE se Lopez dhe Affleck nuk e kishin parë njëri-tjetrin prej javësh. Jennifer po përpiqet të gjejë një shtëpi të re për të filluar nga e para.
