Roza Lati ka treguar mes lotësh se disa vite më parë ka abortuar foshnjën pa dëshirën e ish-partnerit. Gjatë një bisede ajo u shpreh se nuk ishte gati të bëhej nënë asokohe dhe kur e ka marrë vendimin për mos ta mbajtur fëmijën, e ka rrahur veten me grushta.
Roza tregoi se partneri e saj donte që ta mbanin fëmijën, por ishte vetë ajo që mori vendimin për ta abortuar.
“Në momentin që unë bëra testin dhe dola pozitiv jam habitur shumë, thashë është i skaduar. Nga shtëpia te farmacia nuk e kam ndjerë tokën, po më rrihte zemra në atë nivel sa nuk e ndjeja tokën fare. Mora të gjitha llojet e testeve dhe i provova në shtëpi, të gjitha më dolën pozitive. I kam dëgjuar rrahjet e zemrës dhe aty unë jam thyer. Kur kam shkuar në shtëpi kam marrë vendimin…. Prandaj them që nuk e lë veten të vuaj. Bëra një analizë të ardhmes sime dhe thashë që nuk është momenti. Momentin që vendosa ta ndërpres, aty kam rrahur veten me grushta. Kam kaluar një vit shumë të vështirë, prandaj jam këtu”, tha Roza.
