Në një bisedë të hapur me Loredanën, Rozana ka ndarë një moment të vështirë nga jeta e saj personale, duke sqaruar një keqkuptim që kishte lindur për distancën me partnerin e saj para hyrjes në “Big Brother VIP Albania”.
Ajo pranoi se ishte më shumë se një muaj pa e takuar atë, një vendim i ndërgjegjshëm për ta lënë të lirë të eksploronte mundësi të reja. “Nëse nuk do të funksiononte, mund të bashkoheshim sërish duke ditur një opsion të hidhur,” tha ajo, duke lënë të kuptohet se e kishte bërë këtë zgjedhje me shumë vështirësi.
Mes emocionesh, Rozana tregoi se ky hap ishte i lidhur edhe me betejën e saj për t’u bërë nënë. “Nuk doja të isha egoiste dhe nuk dëshiroja që një ditë të mund të mbaja ‘fajin’ për faktin se partneri im nuk mund të kishte një trashëgimtar,” pranoi ajo.
Artistja rrëfeu se ka kaluar një periudhë të gjatë trajtimesh për fertilitet, me procedura mjekësore dhe ilaçe që i kanë shkaktuar ndryshime të mëdha fizike dhe emocionale. Shtimi në peshë nga ilaçet dhe zhgënjimi nga mungesa e rezultateve e kanë bërë këtë rrugëtim edhe më të vështirë. Por përkundër sfidave, ajo shpreson që ëndrra e saj të realizohet sa më shpejt. .
